Ljósmyndasíða

Enn og aftur hefur liðið nokkur tími frá því að ég hef sett eitthvað inn á bloghlutann hjá mér, en ég ætla aðeins að bæta úr því :)

Ég hef haft alveg nóg fyrir stafni í áhugamálinu, sem oft áður og ekki sér neitt fyrir endann á því sem betur fer :) Alltaf að bætast við ef eitthvað er. Nú er svo komið að ég er hættur að bæta við listann hjá mér, allavega tímabundið, því ég er að fara af stað með þemaverkefnin sem ég áforma að vinna á þessu ári. Verkefnin heita Natural Beauty og Action Figures. Svo er ég einnig með í vinnslu verkefni með einu módelanna minna, henni Guðrúnu Helgu Reynisdóttur, sem er aðalmódelið mitt núna :) Þau verkefni eru af ýmsum toga og ber fyrst að nefna Shady Lady og Heartbroken. Fyrra verkefnið er hafið og eru komnar nokkrar góðar myndir í þá seríu. Heartbroken verður skotið seinna. Svo er á hugmyndasviðinu eitt verkefni enn, Ghost, sem verður skoðað og skipulagt á komandi vikum.

Allavega, ég læt fljóta hér nokkrar góðar myndir frá Shady Lady. :)












Njótið :) Og ég vil minna á að allt efni er varið höfundarréttarlögum :)

Kv.
Sigurpáll

Já, komin stund síðan síðasta færsla datt hingað inn. Nema hvað, ég er hvergi af baki dottinn, heldur er mér að vaxa ásmegin í Portfolio Fashion myndatökum. Nú hefur nefnilega runnið upp sú stund að ég er búinn að fylla möppuna mína og orðið tímabært að taka næsta skref, sem er opinber birting.

Til að klára árið 2009, fékk ég til liðs við mig hana Selmu Kjartansdóttur búsett á Akureyri. Við höfum reyndar lengi ætlað að taka netta töku, en alltaf skyldi eitthvað koma í veg fyrir að það tækist. Þetta gekk upp loksins á síðasta degi ársins 2009 og eru hér nokkrar myndir sem teknar voru í Hellisgerði, og núna sést Hellisgerðið að vetri til :)

Njótið.